பொங்கல் திருநாள்

பொங்கல் திருநாள்

தங்கத் திருநாளாம்
தமிழர் திருநாள் - ஜனவரி 14
பொங்கல் திருநாள்...

ஏர்பூட்டும் உழவனை
சீர்தூக்கி நிறுத்தும் திருநாளாம்
பொங்கல் திருநாள்...

உழைப்பிற்கு நன்றி நவில
தமிழனுக்கோர் திருநாளாம்
பொங்கல் திருநாள்...

பார் போற்றும் செந்தமிழின்
வெற்றித் திருநாளாம்
பொங்கல் திருநாள்...

நாட்டிற்கு உழவன் இல்லையேல்
வீட்டிற்கு ஏதடா சோறு
செந்தமிழாம் சங்கத்தமிழ் நாட்டினிலே
பசுவைக் கொண்டாடும் திருநாளாம்
பொங்கல் திருநாள்...

நீ ... நான் ... நாம்
தமிழனென்று சொல்லும் திருநாளாம்
பொங்கல் திருநாள்...

தமிழின் தமிழனின் கலாசாரத்தை
பறைசாற்றி உலகமெங்கும்
வாழும் தமிழர்
பொங்கல் திருநாளைக்
கொண்டாடி மகிழ்வோம் !

-த.சத்யா, இராஜபாளையம்.                                                                                                                                             http://www.muthukamalam.com/